 |
| محمد الشايب |
السادة قراء العدادات من المفروض عليهم متابعة عدادات المياة طبعا زى ما كل الناس عارفين والتشيك عليها والابلاغ عن الاعطال والأهم من كدة قراءة العدادت لحصر الاستهلاك لكل منزل او شقة. لكن الحقيقة غير ذلك السادة الافاضل طبعا بيعملو نفسهم شغالين وبيلفوا على العدادات وهما طبعا فين محدش عارف مش دى المشكلة. المشكلة ان السادة الأفاضل بيحطو قراءات زى مهما عاوزين فطبعا بكدة بيتحمل المواطن فوق طاقتة ، المحصل يجى بالفاتورة ، المواطن يدفع ، وبعد ما يدفع يشوف العداد بتاعة إستهلك قد اية .. فطبعا الراجل الغلبان المقهور يتفاجئ بإن القراءة فى الفاتورة غير القراءة على العداد ، المواطن طبعا يقعد يشتم فى الدولة وفى المحصل وفى الحكومة . ويروح بقا على شركة المياة والصرف الصحى يتخانق ويزعق وطبعا ولا حياة لمن تنادى إخبط دماغك فى الحيط مع إن المشكلة سهلة جدا.
ليه شركة المياة متحطش رقيب على السادة قراء العدادات مهو من الأساس الخطأ من عند القارء ، الراجل دة لو بيراعى ربنا فى شغلة وبيراعى ضميره ، المشكلة دى مش هتحصل اساسا . نداء الى كل مسئولين شركاة المياة والصرف الصحى أرحمو المواطن شوية بقا وراقبو قراء العدادات. * أرسل هذه الشكوى القارئ محمد الشايب.
الله ينور
ردحذف